मासिक कथा

एकेक इमले जोडत जातात

नवी नवी स्वप्ने रचत जातात

पळे, घटिका सेकंद, मिनिट

काळाचे हिशोब सुरूच असतात

मग असे होईल, आणि आपण असे करू

मग त्यासाठी ती तयारी करू

सगळे काही घडत असते एका आपुर्तीसाठी

स्वप्नाचा ध्यास इतका मजबूत असतो

कि त्यासाठी त्याचाही अपघात घडवायचीही तयारी असते

मग कळते शक्य नाही स्वप्नपूर्ती

मग धडाधड कोसळतात सारे इमले,

उलगडून येते सारे अस्तर

फाटतात सारे विणलेले धागे

होतो कल्लोळ मूक हुंदक्यांचा

आणि वाहतो पाट रक्ताचा

स्त्राव होत राहतो निष्फलनिर्मितीचा