श्वासांचे ठसे

तुझ्या एका शब्दाने फुलत जातो

फुलांचा मळा

आणि मग मी हरवून जाते

आपल्या जगात

एकेका पाकळी वर आपण लिहित

असतो एकेक आठवण

आणि सोडून देत असतो

इंद्रधनुच्या पल्याडच्या

चालता येणाऱ्या सुवासिक समुद्राकडे

शब्द हरवत जातात,

तेव्हा नजरा वेध घेतात

पापण्या मिटत च नाहीत,

तुझे माझे सारे गोठुन् जाते

त्या बाहुल्यांमधे

तुझा आवाज थांबतो

आणि सुळळ करून

येतात सारे शब्द, तुझी आठवण

माझा पाठलाग करत

मी अर्धवट शब्दात हरवलेली,

पूर्ण तुझ्यात गुंतलेली,

स्वतःला सोडवून घ्यायला

परत येते तुझ्या श्वांसांचे ठसे शोधत